Lífið byrjar aftur eftir 29.okt

 Þangað til, ætla ég bara að draga að mér súrefni og blása því aftur út..

já og kannski læra pínu lítið...

Maður veit ekki allt og getur ekki allt.

 Ætli mig langi ekki mest til að vera í samskiptum sem skipta máli.  

Eins og hjúkkan sem segir mér reglulega frá bókum sem segja eitthvað... jafnvel kenna manni að vera betri en maður er.

Eða hjúkkan sem getur látið lífsins lærdóm með öllum sínum uppákomum vera fyndin augnablik þrátt fyrir dapurleikann sem liggur að baki.

Eða hjúkkan sem uppfræðir um það sem brennur á manni með óþolandi nákvæmum smáatriðum um smáhluti varðandi það.

Eða sjúkraliðinn sem er alltaf að koma með áhugaverðar örsögur utan úr heimi og langlokur um eigin upplifanir.

Og allir hinir sem af góðri viðleittni reyna að auðga líf mitt með áhugaverðu efni.

Mér er alveg sama hvað blómin heita en mér þykir áhugavert hvert þeirra ég má borða.

Mér er alveg sama hvaða fuglar fljúga um heiminn en mér þykir áhugavert að til skuli vera fugl sem stoppar aldrei að fljúga og annar sem blakar vængjunum 300- 400 sinnum á mínútu.

Ég var með plön um að setja eitthvað á pappír á hverjum degi en einhvern veginn hefur það vikið fyrir öðrum plönum sí og æ..   

hafrún hér er ekkert eins, án þín

Ég er komin í skóla.  Og þarf að finna út úr öllu sjálf.

kveðja frá mér ef þú skyldir einhvern tíma rekast á þetta.

Kannski komið haust..

Þessa daga læri ég um þjónandi forystu, ígrundun, starfsánægju og kenningar um allt milli himins og jarðar.  Jæja eða nánast það...

Það er kalt en fallegt út og ég á eftir að taka upp restina af kartöflunum mínum og svo borða þær líka..

Mikið á mann lagt.

Hugsun:  ..Ég er..

Næring:  ..Sætar kartöflur, já og eitthvað grænmeti..

Hreyfing:  ..standa upp og setjast niður..

Þakklæti:  ..samstarfsfólk mitt á Mínum Vinnustað..

Grænmetisáskriftin

 Ískápurinn er fullur af góðgæti sem ég gef mér ekki tíma til að elda.  Vatnsmelóna sem ég ætla að breyta í ís.  Rauðrófa sem á að verða að safa og kál sem á að fara í álegg.

Ég lifi í voninni...

Hreyfing:   ..Fram og aftur gangana á minnii deild,  10.000+skref

Næring:  ..Eitthvað frá CuliaCan í boði deildarinnar

Þakklæti:  ..að ég hafi vinnu sem ég hef gaman að

Athafnir:   ..smá samvera með Tónlistarstelpunni í dag

Andadráttur dagsins...

 Mér finnst ég ekki vera búin að gera neitt undanfarna daga annað en að vinna og læra..  lesa glærur, hlusta á fyrirlestra, glósa úr glærum, reyna að hugsa um hvað ég var að lesa, fara yfir lesefnið og reyna að staula mig fram úr enskunni.

Í þrjár vikur...

Þrjár!

Og þegar upp er staðið er ég rétt búin að lesa örlítið um gildi, fagvitund, siðfræði og þá siðferði minnar stéttar og döff-menningu.

Hreyfing:  Inn og út úr bílnum til að sjá mömmu og til að sjá pabba...

Næring:  epli, banana og perur...

Þakklæti:  Konan sem gaf mér grænkálsstilk... stóran.

Athafnir:  Ég er búin að grenja nánast í allan dag...  ég sé íbúðina þar sem hann bjó, ég hugsa til væntanlegra  jóla og að ég sé ekki að ná í neinn til að fara með mér í barna-afmæli.

Ég þarf að ná jafnvægi milli athafna dagsins...

Fagvitund mín vex

Margt í lífi mínu á sér stað, afþví bara. Einhver segir: ..eigun við að skella okkur í skóla? Og ég segi: ..já, hvers vegna ekki. Og boltinn byrjar að rúlla. Ég skráði mig með hálfum hug en fékk samt inngöngu. Svo byrjar skólinn með mætingu á Akureyri og ég sit og klóra mér í höfðinu yfir því hvers vegna ég óð út í þetta glapræði en man svo eftir því að ég ætla bara að hafa gaman að með stelpunum sem ég er búin að vera að; vinna með, ferðast með, gráta með og spila við, út í það endalausa. 

.. Heppin ég að einhver vildi taka stúdentspróf á sínum tíma, sjúkraliðanámið og núna Fagnám starfandi sjúkraliða.

Hreyfing dagsins:  Shim Sham í Sveiflustöðinni...

Máltíð dagsins:  Hrátt grænmeti með bakaðri sætri kartöflu...

Athöfn dagsins:  Krossapróf í Siðfræði að mestu...

Það sem ég lærði í dag,  er að ég á að skapa tengsl við sjúklingana, efla þau, viðhalda og nota þau tengs í að uppfræða sjúkling á hans forsendum.

Ég veit líka að Virðing er dygð, reisn gildi og að siðferðivitund mín þarf að eflast...

Tímastjórnun mín er í ólestri.

Ég er búin að lesa frá mér allt vit en hef litla trú á að ég muni um hvað ég var að lesa á morgun.

En ég heimsótti pabba, fékk göngustafina mína til baka og á sæta kartöflu í ískápnum.

Ný tölva, nýjar aðstæður og nýtt nám

Allt er breytingum háð og núna á ég nýja tölvu sem ég kann ekkert á..

en lífið heldur víst alltaf áfram eins og sagt er.